Førjulsfestivalen Ljøsblått 2020

UTSATT: Folkemusikkstudentanes førjulsfestival byr på lunsjkonsertar, dansekurs, tilreisande musikarar, klubb og buskspel.

Arrangørar: 

Program

Torsdag 19. november

Kl 12.00 Lunsjkonsert
Gira på litt variasjon i skuledagen? Kom og høyr studentar frå folkemusikklinja spele i ein akustisk setting. Sted: Fellesrommet 139/140 på Norges musikkhøgskole. (Laurdag blir det ein liknande konsert kl. 16.00 på Chateau Neuf, som går over i open jam før klubbkvelden brakar laus.)

Kl 15.00 Kurs i dans, samspel og song
Få ein introduksjon til folkemusikkens verd med kurs i grunnleggjande dans, song, og samspel. Hugs å ta med instrument dersom du skal på samspelkurs (alle instrument er lov), og sko+klær som egnar seg til dans, dersom du skal på dansekurs. Sted: Bevegelsesrommet, Kammersal 3 - 01012, Norges musikkhøgskole:

Kl 20.00 Opningskonsert
Velkomen til opningskonsert i Betongsalen på Chateau Neuf! Folkemusikkstudentane har slått seg saman med andre unge musikarar frå ulike sjangrar for å lage ein heidundrandes konsert der folkemusikkens grenser blir tøygde til dei nesten ryk! Sted: Betong, Chateau Neuf

Fredag 20. november

Kl 12.00 Lunsjkonsert
Gira på litt variasjon i skuledagen? Kom og høyr studentar frå folkemusikklinja spele i ein akustisk setting. Sted: Sandvoldsalen, Norges musikkhøgskole:

Kl 19.00 Studentkonsert med musikarar frå Ole Bull-akademiet og Musikkhøgskolen
Fredag kveld er vi så heldige at vi får besøk av folkemusikkstudentar frå Ole Bull-akademiet på Voss! Det blir ein konsert med folkemusikk i ulike besteningar, både solo og samspel. Hugs å skaffe billett tidleg før Huldra bestiller alle. Sted: Betong, Chateau Neuf:

Kl 22.00: Buskspel (jam)
Buskspel (uhøgtideleg, improvisert musisering, samspell) er ein essensiell del av festligheitene i folkemusikkens verd. Ta med deg yndligsinstrumentet ditt og sleng deg på, alt er lov! Fiolin, saksofon, paukar og orgel. Sted: Betong, Chateau Neuf

Laurdag 21. november

Kl 14.00 Barneførestilling med UngMusikk
Barneførestilling i regi av studentane på 2. år ved folkemusikklinja på Musikkhøgskolen. Musikkelevar frå Oslo/Akershus-området har delteke på fleire helgekurs for å lage en førestilling, med premiere på Ljøsblått i Levinsalen. Sted: Levinsalen:

Kl 16.00 Lunsjkonsert og buskspel (jam)
Studentar frå folkemusikklinja speler i ein akustisk setting. Konserten går over i open jam før klubbkvelden brakar laus. Chateau Neuf er ansvarleg arrangør. Ingen førehandsbestilling av billettar. Begrensa plass. Sted:Foajeen, Chataeu Neuf

Kl 19.00 Klubbkonsert med Skrekk & Guro
Ljøsblått peakar med ein dryg festkveld i Betongsalen, der til og med Fanitullen hadde gått opp fem intensitetsnivå med ekstra rammeslag-power og skjoldmøy-prestige. Det blir konsert med rocka folkemusikk, med bandet Skrekk og Guro. Etter konserten blir det dans med avstand, som kjem til å maxe din stamina, buskspel som boostar din reaksjonstid, og generelt mæd stemning som vil gjere deg til ein elite-level folkemusikkfest-meister! Sted: Sted: Betong, Chateau Neuf

Berekraftig merch
Har du lyst på Ljøsblått-merch? Lever dine brukte, kvite eller grå (logofrie) t-skjorter eller genserar i boksen under tavla i Musikkhøgskolens foajé. I løpet av ukene før festivalen kan du kjøpe t-skjorter og genserar med Ljøsblått 2020-logo for 100/150. Siste frist for innlevering av klede er 5. november. Overskotet går til Framtiden i våre hender.

Gratis inngang på Norges musikkhøgskole og Chateau Neuf, med unntak av kveldskonserten laurdag - bill. 150 (VIKTIG: Av smittevernhensyn må publikum hente ut billettar på førehand på TicketCo også gratisbillettar. Du treng ikkje hente ut billett til lunsjkonserten på laurdagen.)

Sjå retningslinjer for smittevern på konsert: https://nmh.no/kontakt-oss/om-billetter-korona. Sjå også: https://nmh.no/festivaler/ljosblatt-2020